Comun di Sant Zorç di Noiâr
Vilignove
versione italiana
Significât dal non
Il non stâ par vile gnove ven a stâi paîs gnûf che si pense che al sedi nassût dopo lis devastazions dai ongjârs (895-995) cuant che il paîs al fo ricostrûit (probabilmentri par decret dai Patriarcjis di Aquilee). Di notâ che intal non furlan la sierade cun la –e- e je deventade une –i-.
Ubicazion e notis storichis
E je une frazione di S. Zorç di Noiâr a un trê chilometris a sud est dal cjâf lûc, su la bande di çampe dal Cuar. Il Toponim al è une vore vecjo e si cjate citât su documents dal 1274, dal 1416, dal 1466, dal 1479, e dal 1483.
VILLA NOVA= (1498, 1620); VILLA NUOVA = (1681); VILLANOVA IMPERIALE SOTTO GONARS (1718). Nel 1296 alli 6 gennaio è statuito quod homines de Aquileja de Carisaco et Villanova valeant buscare in busco de Zumel excepto busco de Ruvedola....
Intal 1274 siôr Leandro di Breçà di sore, cui soi fradis q.m D.Artrasio, a ricognossin di vê de glesie di Aquilee in feut ret e legâl, dute Vilignove che si cjate inte plêf di Porpêt sot Cjarisà cun dutis lis pertinencis e i boscs.
La Glesie di Vilignove
Ubicazion e Notis Storichis
Si cjate a Vilignove tre crosere di vie Fàmula e vie Giulia, la strade che e travierese il puint sul flum Cuar viers S. Zorç.
La Glesie e je dedicade a Sant Florean martar, come chê precedente che e jere stade demolide intai agns ’60, e je stade començade sot la conduzion pastorâl di don Francesco Gomboso, continuade sot don Luigi Vacchiani e finide sot don Arturo Zanini.
La prime piere e je stade metude ai 6 di Avrîl dal 1931 e la screadure e je stade ai 23 e 24 di Avrîl dal 1932. Inte glesie si cjatin decorazion dal artist Silvio Pavon fatis tai agns ’40 ’50 (A1990 pp.98-105) e, parsore de jentrade principâl, ai 7 di Novembar dal 1997 al è stât screât il roson figurant Sant Florean fate dal fì Andrea.
Notis par cure di Luigi Del Piccolo (Luîs Dal Piçul) – Vice president de Associazion culturâl 'Ad Undecimum'